اسباب نجاح الزواج 😬

أنو يعني حضرتك صرلك أربعين سنة متزوج وماشالله بدون حسد و ضيقة عين لحد هلق ما سمعنا صار معك ولا مشكلة بينك وبين مرتك أنو قلي شو السر  !؟

* ولله شوف أنا وهي متفقين من اول زواجنا على شي واحد .. وهو أنا بعطي رأيي بالامور الكبيرة وهي تعطي رأيها بالأمور الصغيرة

* إيوااا.. شلون يعني ؟

* يعني هي بتعطي رأيها وين نشتري البيت والديكور والعفش وتربية الاولاد ولباسهم ونوع السيارة وطلعاتنا وفوتاتنا و الأكلة لبتحبا مناكلا و يلي مابتطيقا بيت اهلي موجودين.. والعكس مو صحيح!!..

- آها.. اييي وانت بشو تعطي رأيك بالله !!؟

= أنا متل ما قلتلك بعطي رأيي بالأمور الكبيرة ..
مثلاً الحرب باليمن وتداعياتها على المنطقة العربية الهندوسية
أزمة السودان ومجريات الثورة الجزائرية.. مين بدها ترشح حالا للرئاسة بتونس..
أثر التعديلات الدستورية في مصر
يعني أمور استراتيجية كبيرة (بتعرف نحنا ما منحكي غير بالشغلات الكبيرة)..
إيران لوين آخدة هالمنطقة كونو بتضل تعمل مشاكل اي وهيك يعني 😐

اي اي تاج راسي أربعين سنة هيدول محرزين يعني!!